«Ֆինանսական կրթություն ձեռնարկատերերի համար» առցանց դասընթացը մեկնարկել է «Գերմանական Խնայողական բանկերի միջազգային համագործակցության հիմնադրամի» (DSIK), «Հայկական բարեգործական ընդհանուր միության (AGBU) Կանանց ձեռներեցների նախաձեռնության» և ՀՀ Կենտրոնական բանկի ու Ֆինանսական համակարգի հաշտարարի գրասենյակի համատեղ ջանքերի շնորհիվ: 

Այս նախաձեռնությունը իրականացվում է միկրո և փոքր ձեռնարկատերերի համար ֆինանսական գրագիտության և ձեռնարկատիրական հմտությունների խթանման նպատակով:

Դասընթացի մասին

Դասընթացը նպատակաուղղված է մասնակիցներին ապահովել ֆինանսական կարևոր գիտելիքներով և հմտություններով՝ նպաստելով ֆինանսական պլանավորմանը և կառավարմանը և սպառողների պաշտպանության վերաբերյալ գիտելիքներին:

Հիմնական առանձնահատկություններ

- Համագործակցային փորձառություն: Ստեղծված է հայկական և միջազգային հեղինակավոր կազմակերպությունների համատեղ ջանքերով:
- Մատչելիություն: Առաջարկվում է առցանց՝ հայերենով, թիրախային լսարանին հասանելի դարձնելու նպատակով:
- Գործնական գիտելիքներ: Նպատակաուղղված է գյուղական համայնքներում միկրո և փոքր ձեռնարկատերերի կարիքներին:

Միացեք մեզ

Այցելեք Հայկական Վիրտուալ Քոլեջի (AVC) հարթակը՝ ուսումնասիրելու այս վերափոխիչ ուսումնական հնարավորությունը: Միասին մենք պատրաստ ենք նպաստել ձեռնարկատերերի ֆինանսական ուժեղացմանը և կայուն զարգացմանը Հայաստանում:

Շնորհակալություն

Շնորհակալություն ենք հայտնում բոլոր գործընկերներին՝ այս նախաձեռնության իրականացմանը նպաստելու համար: